Friday, March 07, 2008

My New RoomMate ..!

அது என்னோடு வாழ்கிறது !
எனது ஒற்றை படுக்கையறையில் -
என்னோடு சேர்ந்து அதுவும் வாழ்கிறது ..!


இரவு மட்டும் வருகிறது,
எப்படித்தான் தெரிகிறதோ புரியவில்லை ...
சரியாக இரவு உணவருந்தும் நேரம் -
ஆஜராகிவிடுகிறது !


முதல் நாள் விரட்டினேன்,
இரண்டாம் நாளும் ...
மூன்றாவது நாள் -
கொஞ்சம் உணவு வைத்தேன்.
நான்காவது நாள் ,
எனது கைகால்கள்மேல் சவாரி செய்ய ஆரம்பித்தது ..
அடுத்த நாள் தலைமேல் நாட்டியம் ..!
கொஞ்சம் இடம்கொடுத்தால், திமிரைப்பாருங்கள்...
வார இறுதியில் - –எனது புதிய நண்பனைக்காணவில்லை !


திங்கள் வந்தது,
தலைவரும் வந்தார் ...
வாருங்கள் எலியாரே
விடுமுறைக்கு உறவினர் வீடு சென்று விட்டீரோ !


இப்பொழுதெல்லாம் அது அவன் ஆகிவிட்டது ...
எல்லாம் நெருங்கிய நண்பனாகிவிட்ட காரணம்தான் !


எலியார் வருவார்,
நேராக சமையலறையை பார்வையிடுவார்,
தட்டில் வைத்திருக்கும் உணவு கபளீரம் ஆகும்,
அடுத்தது கொஞ்சம் விளையாட்டு,
பிறகு என்னோடு கொஞ்சும் பேச்சு (கீச் கீச் சத்தம்தான்)


இப்பொழுதெல்லாம் எனது அறையில்,
இரவு முழுதும் –
பேச்சு சத்தம் கேட்பதாய் -
பக்கத்து அறைவாசிகள் சொல்ல ஆரம்பித்துவிட்டார்கள் !


சில நாட்கள்,
நடுச்சாமத்தில் வரும்,
இங்கும் அங்கும் ஓடும்,
ஜன்னல்களில் தலைகீழாய் நடைபயிலும்,
பாடகர் என்ற நினைப்பில் கீச் கீச் பாட்டுவேறு,
தீக்குச்சி எடுத்து கொஞ்சம் வாள்சன்டை,
அதீத குளிரினால் என் போர்வைக்குள் பதுக்கம் ...
ஒருவழியாக தூங்கப்போகும் தருணத்தில் ,
விரல் நகம் கடித்து, தூங்காதடா என்று மிரட்டல் வேறு ...
ம்ம்ம்..அதோடு அன்றைய தூக்கம் முடிந்தது
அடுத்த நாள் அலுவலகத்தில் கெட்டதூக்கம்தான் ..!


சில நாளில் கடுப்பாகி -
கொஞ்சம் தனிமையில் விடுகிறாயா எனக்கேட்டால் ,
எனது உள்ளங்கையில் உட்கார்ந்து -
“உனதன்பில் கட்டிப்போட்டுவிட்டாய் எனச்சொல்லும்”
ம்ம்ம்… நன்றாக பேசக்கற்றுகொண்டாய் -
என் குட்டைவால் நண்பனே !


அவன் என்னோடு வாழ்கிறான் !
எனது ஒற்றை படுக்கையறையில் -
என்னோடு சேர்ந்து அவனும் வாழ்கிறான் ..!

5 comments:

Divya said...

\\திங்கள் வந்தது,
தலைவரும் வந்தார் ...
வாருங்கள் எலியாரே
விடுமுறைக்கு உறவினர் வீடு சென்று விட்டீரோ !\\

ROTFL,

Hillarious post Prabhu!!

தொடரட்டும் உங்கள் ' ரூம் மேட்டுட்டுடனான' உங்கள் ஜாலி வாழ்க்கை!!

Natchathraa said...

kool prabhu....

imsai thara yeliyoda settaiya koodaa rasika mudiudey ungalala.....

nice unga kavidhaiya padichutu nan kooda inimey yeliyoda settaiya rasipaennu ninaikuraen..
but yenga veetula yeli illaiyee... :-)

anbudan

Natchatra...

Anonymous said...

Am lost...not able to understnd ? a KT session plzzzzz :-(

லேகா said...

Nice roomate!!! having fun time huh...

Prabhu Chinnappan said...

@Divya:
Tx Div. Will update abt my frnd soon.
@Natchatra:
Definitely u like them once u start minglign with them :-)
@Alicia:
Sorry buddy. Shall i block a conf room for a KT session ?
@Lekha:
Ofcourse i have.